జన గణ మణ పాడేద్దాం,
ఒక పనై పోతుంది.
అందరం ఇళ్ళకు పోతాం,
తింటాం... పండుకుంటాం.
మళ్ళా కలుస్తాం. కలసి ఉంటామా?
ఆ గీతంలో ఉన్న ప్రాంతాలకి
ఇంకా కొన్ని చేర్చి, చెర్చి, చర్చిస్తాం.
విభజించటం ఒక్క తెల్ల దొరల సొంతమేనా?
మనం ఇంకా చేస్తాం దండుగా
పండగల్ని, కులాల మతాల పేరుతొ;
సమ్మతాల అపనమ్మకాల పేరుతో.
కనీసం పాటయినా పాడుకోటానికి
స్వతంత్రం లేని ఈ గణతంత్రంలో
జన గణ మణ మనుగడ ఎలా?
పోనీ, మన పాట్లతో కలిపి పాడేద్దాం,
మనందరి మనుగడలా,
జన గణ మణ, పాడేద్దాం !
--శేషు చామర్తి
